Саводнокии иттилоотӣ дар муассисаи таълимӣ
Муаллими муҳтарам! Тавре шумо медонед, дар айни замон, ҳам омӯзгор ва ҳам хонанда бо ҷараёни бузурги иттилоотӣ сару кор доранд ва мо мехоҳем ба шумо кӯмак кунем, ки дар ин ҷараёни иттилоот роҳгум назанед ва барои ин шумо бояд малакаҳои кор бо иттилоотро дошта бошед, ки пояҳои он бояд ҳанӯз дар мактаби ибтидоӣ гузошта шаванд. Инро бояд дарк кард, ки имрӯз малакаҳое, ки дар тӯли асрҳои зиёд асоси таҳсилоти ибтидоиро ташкил мекарданд (хаттотӣ, ҳисоби шифоҳӣ ва хаттӣ, хониш) ҳоло ҳарчи камтар ягона усули муҳим ва кофӣ барои мактабҳои муосир шинохта мешаванд. Ниёз ба ташаккул додани малакаҳои ҷустуҷӯи иттилоот, таҳлилу коркарди он, нигоҳдорӣ, паҳн кардан ва ба одамони дигар дар шакли мухтасар ва фаҳмо пешниҳод кардани ин маълумот ба таври назаррас меафзояд.
Рушди технологияҳои иттилоотӣ ва коммуникатсионӣ дар муоширату тафаккур, тарзи ҳаёт ва рӯзгори мо, тасҳеҳоти худро ворид кардааст. Маълум аст, ки ҷаҳони воқеии фарзандони мо дигар ба ҷаҳони наслҳои гузашта монанд нахоҳад буд; ояндаи кӯдакони имрӯза бештар аз қобилияти дарку таҳлил кардани маълумоти воридшаванда ва интихоби оқилона бастагӣ дорад.
Дар воқеиятҳои ҳаёти муосир, вақте ки равандҳои иҷтимоӣ-иқтисодӣ ва сиёсӣ хеле фаъоланд, ҳангоме ки ҷараёни иттилоот пайваста нав ва васеъ мешавад, инсон ба тавоноии ҳаракатҳои сареъ дар ҳолатҳои гуногун (дар ҳаёти ҳаррӯза, дар ҷои кор, дар донишгоҳ ё мактаб), дақиқ ва мантиқӣ интихоб кардани усулҳои мувофиқи ба даст овардани иттилоот ва дар амал тадбиқ кардани маълумоти коркардашуда, ниёз дорад, яъне бояд шахсияти дорои саводнокии иттилоотӣ бошад.
Роҳнамо барои хоҳишмандон (Руководство-2021)
Английский 
Русский 
Тоҷикӣ 
Добавить комментарий