Ташкилоти ҷамъиятии «Баробарӣ» дар ҳамкори бо «Маркази технологияҳои иттилоотӣ коммуникатсионии назди Раёсати маорифи ш.Душанбе» 11 апрели соли 2016 аз соати 14:00 мизи мудаварро оид ба ҷамъбасти лоиҳа ва муарифии лоиҳаи “Дастрасӣ ба додаҳои кушодаи муассисаҳои таълимии шаҳри Душанбе”-ро дар толори маҷлисии “Душанбе Плаза” баргузор менамояд.
Ҳадафи чорабинии мазкур таҳкими тавонмандӣ ва баланд бардоштани сатҳи маърифатнокии аҳолӣ ва иштироки бевосита дар раванди баланд бардоштани сифати таълиму тарбияи насли наврас ва мусоидат ба дастрасии бештари иттилоот ва хизматрасониҳои соҳаи маориф бо воситаи онайн платформаи додаҳои кушода муассисаҳои таълимӣ “Маорифи маҷозӣ”.
Платформаи мазкур аз ҷониби мутаххасисони ватанӣ дар ҳамкории зич бо Раёсати маорифи шаҳри Душанбе аз рӯи маводҳои ба дастовардашуда ва додаҳои кушодаи соҳаи маорифи ҶТ омода карда шудааст.
Дар чорабинӣ иштироки зиёда аз 50 нафар мутахассисони ватанӣ, намояндагони мақомотҳои давлатӣ ва хусусӣ, ташкилотҳои ғайридавлатӣ ва ахбори омма ба нақша гирифта шудааст.
Мизи мудаввар бо дастгирии молии ташкилоти байналмилалии Институти «Ҷамъияти Кушода» — Бунёди Мадад дар Тоҷикистон ва Мақомоти иҷроияи маҳаллии ҳокимияти давлатӣ дар шаҳри Душанбе гузаронида мешавад.
Барои гирифтани маълумоти иловагӣ аз рақамҳои зерин истифода баред: +992919292424 ё farishtamoh@gmail.com
Английский 
Русский 
Тоҷикӣ 
Добавить комментарий