Дар доираи форуми «Хакатон-48» сарчашмаи боэътимоди доимӣ оид ба маълумотҳои марбут ба COVID-19 дар Тоҷикистон сохта шуд. Ин имконият медиҳад, ки аз паҳншавии ҳар гуна маълумоти шубҳаовар ва беасос доир ба COVID-19 дар Тоҷикистон то ҷое пешгирӣ карда шавад.
Форуми мазкур санаҳои 24-25-уми марти соли равон бо ташаббуси IT ширкатҳои Colibri ва Next Group ва бо дастгирии бевоситаи Вазорати тандурстӣ ва ҳифзи иҷтимоии аҳолии Ҷумҳурии Тоҷикистон ва UNICEF Tajikistan баргузор шуд. Ҳамчунин, ҳамкорони дигари чорабинӣ ташкилоти ҷамъиятии «Y-peer» ва дорухонаи «Саломат» буданд. Дар ин форум таҳиягарон ва тарроҳон иштирок карданд ва манбаи боэътимод оид паҳншавии коронавирус COVID-19 дар Тоҷикистон сохта шуд.
Зарурати аслии ташкили ин форум афзоиши хабарҳои бардӯрӯғу бофта дар робита ба паҳнавшии вируси нави COVID-19 дар Тоҷикистон арзёбӣ мешавад.
Натиҷаҳои аз раванди форуми «Хакатон-48» бадастомада:
- Дар давоми ин форум дар сомоани Вазорати тандурустӣ ва ҳифзи иҷтимоии аҳолии кишвар саҳифаи алоҳидаи «COVID-19» сохта шуд, ки минбаъд тамоми маълумоти боъэтимоди вобаста ба коронавирус дар Тоҷикистон дар ин саҳифа ҷой дода мешавад. Инчунин, дар саҳифаи мазкур маълумотнома оид ба беморӣ, тавсияҳо, маслиҳатҳо ва амсоли ин дигар иттилои зарурӣ ҷойгир карда мешавад.
- Гузашта аз ин, сомонаи Вазорати тандурустии ҷумҳурӣ коркард шуд.
- Дар Телеграм чат-бот бо номи «Coronavirus Info | Tajikistan» сохта шуда, ки саривақт ба суолҳои муроҷиаткунандагон оид ба COVID-19 дар Тоҷикистон посух медиҳад.
Корҳои тақвиятбахшӣ ҷиҳати дастрасии иттилоот ва маълумоти дуруст барои мардум оид ба COVID-19 дар Тоҷикистон идома дорад ва қарор аст, ки дар марҳилаи кӯтоҳ баҳри пешгирии ҳолатҳои сироятшавии шаҳрвандони кишвар ба коронавирус корҳои муассир анҷом дода шавад.
Ҷаҳонгир Мирсалимов
English 
Russian 
Tajik
Добавить комментарий